Tehranda 3 nəfər metro tikintisindəki uçqun zamanı ölüb

Bakı. 7 sentyabr. REPORT.AZ/ İranın paytaxtı Tehran şəhərində metro xəttinin tikintisi zamanı baş vermiş dağıntılar zamanı üç nəfər həlak olub.

"Report"un xəbərinə görə, bu barədə "Accosiated Press" məlumat yaytıb. 

Məlumata görə, metro tunelinin tikintisi zamanı uçqun baş verib. Nəticədə ən azı 15 nəfər xəsarət alıb. 

Xəsarət alanlardan 6-ı xəstəxanaya yerləşdirilib. 

Xilasedicilər itkin düşmüş daha bir fəhlənin axtarışlarını davam etdirirlər.