Bu il on minlərlə insan Ermənistanı tərk edib

Ermənistanda son 7 ay ərzində azı 43 mindən çox vətəndaş ölkəni tərk edib.

“Report” xəbər verir ki, bu barədə “Joğovurd” qəzeti yazıb.

Qəzetin Mülki Aviasiya Komitəsindəki mənbələrinə görə, təkcə “Zvartnots” aeroportundan yanvar-iyul aylarında ölkədən çıxan 488 833 sərnişinin 27 016 nəfəri geri qayıtmayıb.

Bildirilir ki, aviareyslər vasitəsilə ölkəni tərk edənlər barədə rəqəmlər ümumi mənzərəni görmək üçün kifayət deyil. Çünki xeyli insan həmçinin quru yolla ölkədən gedir.