Serbiya Prezidenti Türkiyədə səfərdədir

Serbiya Prezidenti Aleksandr Vuçiç Türkiyədə səfərdədir.

“Report” xəbər verir ki, Türkiyə Prezidenti Rəcəb Tayyib Ərdoğan serbiyalı həmkarını Küliyye iqamətgahında qarşılayıb.

Hazırda iki ölkə lideri arasında görüş keçirilir. Təkbətək görüşdən sonra R.T.Ərdoğan və A.Vuçiç Yüksək Səviyyəli Əməkdaşlıq Şurasının iclasında iştirak edəcək.

Rəsmi sənədlərin imzalanması mərasimi və birgə mətbuat konfransından sonra Türkiyə Prezidenti serbiyalı həmkarının şərəfinə şam yeməyi verəcək.