Bakı. 18 aprel. REPORT.AZ/ “Mən partlayışda iştirak etdiyimi deməmişəm".
“Report” RİA "Novosti”yə istinadən xəbər verir ki, bunu aprelin 18-də Sankt-Peterburqda metroda törədilən terrorun təşkilatçılarından biri olmaqda şübhəli bilinən Əbror Əzimov deyib.
“Həbs olunmağıma etiraz etmirəm. Mən partlayışda birbaşa iştirak etməmişəm. Mənə komanda verilib. Terror fəaliyyətində iştirak etdiyimi bilməmişəm”, - Ə.Əzimov məhkəmədə bildirib.
Məlumata görə, vəkil detalları dəqiqləşdirməyib.
*** 16:56
Sankt-Peterburqda metroda törədilən terrorun təşkilatçılarından biri Əbror Əzimov günahını etiraf edib.
“Report” RİA "Novosti”yə istinadən xəbər verir ki, bunu aprelin 18-də Moskvanın Basmann rayon məhkəməsində onun vəkili Armen Zadoyan bildirib. Vəkil detalları dəqiqləşdirməyib.
Xəbərdə tezliklə şübhəlinin məhkəməsinin keçiriləcəyi bildirilib.
Xatırladaq ki, bu il aprelin 17-də Rusiya Federal Təhlükəsizlik Xidmətinin əməkdaşları Moskvada 1990-cı ildə Orta Asiyada anadan olan Əbror Axraloviç Əzimovu tutub. O, aprelin 3-də Sankt-Peterburqda metroda törədilən terrorun təşkilatçılarından sayılır. Metrodakı terror nəticəsində 15 nəfər (terrorçu-kamikadze ilə birlikdə) ölüb, 50-dən çox insan yaralanıb.