Sankt-Peterburqda Pakistan konsuluna məxsus avtomobil oğurlanıb

Bakı. 11 dekabr. REPORT.AZ/ Pakistanın Sankt-Peterburqdakı fəxri konsulu Əbdül Rauf Rinduya məxsus "Hyundai Santa Fe" markalı avtomobil oğurlanıb.

"Report" RİA "Novosti"yə istinadən xəbər verir ki, üzərində diplomatik nömrə olan maşından razılaşma əsasında Cibutinin Rusiyadakı səfirliyinin əməkdaşı, Moskvada yaşayan 40 yaşlı Tacikistan vətəndaşı istifadə edib.

Elə polisə avtomobilin oğurlanması barədə məlumatı da həmin şəxs verib. Maşın şəhərdəki supermarketlərin birinin avtoparkından oğurlanıb.

Məlumata görə, dəymiş ziyan 1,3 milyon rubl (37,3 min manat) həcmindədir.