Sankt-Peterburqda mağazada partlayış baş verib, 10 nəfər xəsarət alıb

Bakı. 27 dekabr. REPORT.AZ/ Bu gün Sankt-Peterburqun şimalında ticarət mərkəzində yerləşən "Perekryostok" mağazasında partlayış baş verib.

"Report"un TASS-a istinadən verdiyi xəbərə görə, hadisə yerinə hüquq-mühafizə orqanlarının əməkdaşları və xilasedicilər cəlb edilib.

Ticarət mərkəzində olan insanlar təxliyyə edilib. Yanğın hadisəsi qeydə alınmayıb.

Partlayışın gücü barədə məlumat verilmir.

Bildirilir ki, hadisə nəticəsində 10 nəfər xəsarət alıb. Onlardan dördü xəstəxanaya yerləşdirilib.