Bakı. 11 sentyabr. REPORT.AZ/ Gürcüstanın keçmiş prezidenti və Odessa vilayətinin sabiq başçısı Mixail Saakaşvili Lvova gəlib. Burada onu millət vəkilləri və tərəfdarları qarşılayıblar.
"Report" UNN-ə istinadən xəbər verir ki, M.Saakaşvili görüşün videosunu "Facebook" səhifəsində paylaşıb.
O, görüş zamanı Ukraynaya qayıtmaqda ona köməklik etmiş hər kəsə təşəkkürünü bildirib.
Saakaşvilini qarşılayanlar arasında Lvov şəhərinin meri Andrey Sadoviy da olub.