Rusiyanın və Türkiyənin Baş Qərərgah rəisləri Ankarada görüşəcəklər

Bakı. 25 avqust. REPORT.AZ/ Türkiyə Silahlı Qüvvələrinin Baş Qərərgah rəisi, ordu generalı Hulusi Akar və Rusya Silahlı Qüvvələrinin Baş Qərərgah rəisi general Valeriy Gerasimov avqustun 26-da görüşəcəklər.

"Report" "Anadolu" agentliyinə istinadən xəbər verir ki, əldə olunan məlumata görə, general V.Gerasimov sabah saat 11:00-da rəhbərlik etdiyi nümayəndə heyəti ilə birlikdə Ankarada Baş Qərərgah binasını ziyarət edəcək. Sonra onun türkiyəli həmkarı Hulusi Akar ilə görüşü nəzərdə tutulub.