Bakı. 15 dekabr. REPORT.AZ/ Rusiyanın bəzi regionlarında qrip epidemiyası elan olunub.
"Report" TASS-a istinadən xəbər verir ki, bu barədə "Rospotrebnadzor"un (İstehlakçıların hüquqlarının müdafiəsi və insan rifahı sahəsində nəzarət üzrə federal xidmət - red.) rəhbəri Anna Popova bildirib.
"20 subyektdə həftəlik epidemiya həddinin aşılması müşahidə olunur. Üstəlik, 10 mərkəzi şəhərin subyektlərində belə vəziyyət var", - o qeyd edib.
"Rospotrebnadzor"un rəhbərinin sözlərinə görə, qrip və kəskin respirator-virus infeksiyaları (KRVİ) ilə xəstələnmə halları daha çox məktəb yaşlı uşaqlar arasında yayılıb.