Rusiyanın "Qazprom" şirkəti təbii qazın hasilatı və ixracatını azaldıb

Rusiyanın “Qazprom” şirkəti bu ilin əvvəlindən indiyədək təbii qaz hasilatını 4,8 faiz, yaxud 211,4 milyard kub metrədək azaldıb.

“Report” TASS-a istinadən xəbər verir ki, məlumatı “Qazprom” yayıb.

Şirkət təbii qaz ixracatını da 27,6 faiz, yaxud 61 milyard kub metrədək azaldıb.

Məlumata görə, Avropada qaz ehtiyatlarının 2019-2020-ci illər səviyyəsinə çatması üçün yeraltı qaz anbarlarına hələ 52 milayrd kub metr “mavi yanacaq” vurulmalıdır.