​Rusiyalı nazir: "Türkiyə məhsullarına tətbiq edilən sanksiyalar siyahısının genişləndirilməsi müzakirə edilmir"

Bakı. 3 dekabr. REPORT.AZ/ Türkiyə məhsullarına tətbiq edilən sanksiyalar siyahısının genişləndirilməsi məsələsinə baxılmır.

"Report" TASS-a istinadən xəbər verir ki, bunu Rusiyanın kənd təsərrüfatı naziri Aleksandr Tkaçev bu gün jurnalistlərə açıqlamasında deyib.

"Bu məsələ hələlik müzakirə edilmir. Məncə, görülən tədbirlər kifayətdir. Biz indi diqqəti yerli məhsulların istehsalına yönəltməliyik", - o vurğulayıb.