Rusiyada pandemiyadan ölənlərin sayı 103 minə çatıb

Rusiyada son sutkada daha 8 702 nəfər COVID-19-a yoluxub.

“Report” xəbər verir ki, bu barədə ölkənin Operativ Qərargahı məlumat yayıb.

Bildirilib ki, bununla da Rusiyada koronavirusa yoluxanların sayı 4 641 390 nəfərə çatıb. Ölkədə virusdan ölənlərin sayı isə daha 337 nəfər artaraq 102 986-ya yüksəlib.

Bundan başqa, Rusiyada indiyədək koronavirusa yoluxan 4 265 509 nəfər sağalıb.