Rusiyanın Sankt-Peterburq şəhərindəki sənaye rayonlarından birində sahəsi 2,3 min kv.metr olan iki metal anbarında yanğın olub.
“Report” TASS-a istinadən xəbər verir ki, məlumatı Rusiya Fövqəladə Hallar Nazirliyinin yerli Baş İdarəsinin mətbuat xidməti yayıb.
Hadisə iyunun 30-da Sankt-Peterburqun Krasnoqvardeysk rayonunda qeydə alınıb.
Yanğın yerinə 153 nəfər yanğınsöndürən, 43 ədəd texnika cəlb edilib.
Məlumata görə, alovun qarşısının alınmasına “Mi-8” helikopteri və yağınsöndürən qatarın da cəlb olunması planlaşdırılır.
Yanğın nəticəsində ölən və xəsarət alanların olub-olmadığı barədə məlumat verilməyib.
Dəyən ziyan dəqiqləşdirilir.