Rusiyada məktəblilər Leninin heykəlini sındırıblar

Bakı. 24 may. REPORT.AZ/ Rusiyanın Amur vilayətinin Maqadan rayonunun Uşumun qəsəbəsində məktəblilər Pioner günü Vladimir İliç Leninin heykəlini sındırıblar.

"Report" xəbər verir ki, bu barədə "Amurskaya pravda"ya istinadən UNN məlumat yayıb.

Bildirilir ki, nəticədə abidənin özülü zədələnib, heykəlin əlləri və ayaqları, həmçinin pencəyinin bir hissəsi sındırılıb.

Faktla bağlı 8 və 9-cu siniflərdə oxuyan iki yeniyetmə saxlanılıb.

Şagirdlər Sovet rəhbərinin heykəlini dəyənəklə vurduqlarını bildiriblər. Onlar öz hərəkətlərini Leninin siyasətilə fikir ayrılığında olmaları ilə izah ediblər.