Bakı. 26 iyun. REPORT.AZ/ Rusiyada rus dilini bilən və burada yaşamaq istəyən əcnəbilərə və vətəndaşlığı olmayan şəxslərə yaşayış icazələrinin verilməsi prosedurları sadələşdirilir.
"Report" Kremlin rəsmi saytına istinadən xəbər verir ki, bu barədə prezident Vladimir Putin Daxili İşlər və Əmək və Sosial Müdafiə nazirliklərinə tapşırıq verib.
Sənəd mətnində qurumların tapşırığı bu il avqustun 31-dək yerinə yetirməli olduğu qeyd edilib.