Rusiyada baş verən yol qəzasında dörd nəfər ölüb

Rusiyanın Volqoqrad vilayətində, Moskva - Arxanqelsk magistral yolunda baş verən yol qəzasında dörd nəfər ölüb.

“Report” xəbər verir ki, bu barədə RİA “Novosti” Rusiya Daxili İşlər Nazirliyinin bölgədəki mətbuat xidmətinə istinadən məlumat yayıb.

Agentliyin məlumatına görə, qəza dekabrın 29-da, gecə saatlarında Moskva-Arxanqelsk magistralının 676-cı kilometrliyində baş verib. İlkin məlumatlara görə, avtomobilin sürücüsü qarşı zolağa çıxaraq digər nəqliyyat vasitəsi ilə toqquşub.

Qəza nəticəsində qarşı zolağa çıxan avtomobildə olan dörd nəfər, 1997-ci il təvəllüdlü sürücü, 1997 və 1975-ci il təvəllüdlü sərnişinlər və şəxsiyyəti müəyyən edilməmiş digər bir sərnişin ölüb. Digər avtomobildə olan sürücü və sərnişini xəstəxanaya müayinə üçün göndərilib.