​Rusiya XİN başçısı Ermənistandakı aksiyalara münasibət bildirib

Bakı. 2 iyul. REPORT.AZ/ "Ermənistanda baş verən hadisələrdən çoxları hakimiyyətə qarşı istifadə etməyə çalışdı, ancaq baş verənlərin kökündə sırf iqtisadi məsələlər durur".

"Report" TASS-a istinadən xəbər verir ki, bunu Rusiyanın xarici işlər naziri Sergey Lavrov bildirib.

Rusiya XİN rəhbəri məsələyə dair əlavə şərh verməyib. 

Xatırladaq ki, Ermənistanda iyunun 19-dan etiraz aksiyaları keçirilir. İyunun 23-də səhər saatlarında polis paytaxt Yerevanda keçirilən aksiyanı zorakılıqla dağıdıb və həmin gün 237 aksiya iştirakçısı həbs olunub. Onlara qarşı Cinayət Məcəlləsinin xuliqanlıq maddəsi ilə cinayət işi açılıb. Aksiya davam edir.