Rusiya səfiri: "Moskva və Yerevan hərbi kreditin reallaşdırılması üzrə fəal danışıqlar aparır"

Bakı. 18 dekabr. REPORT.AZ/ "Moskva və Yerevan hərbi kreditin reallaşdırılması məsələsi üzrə fəal danışıqlar aparır".

"Report" Ermənistan KİV-inə istinadən xəbər verir ki, bunu Rusiyanın Ermənistandakı səfiri Sergey Kopırkin Rusiyanın 100 milyon dollarlıq kreditinin həyata keçirilməsi ilə bağlı məsələyə şərh verərkən deyib.

Rusiyalı diplomatın məlumatına görə, əməkdaşlıq davam edir, işə Ermənistan və Rusiyanın müvafiq təşkilatları da cəlb edilib: "Detalları söyləyə bilmərəm, bunlar gizli məsələlərdir. Burada müəyyən müəssisələrin kommersiya maraqları da var. Buna şərh verə bilmərəm".