Robert Koçaryan həbs olunub

Bakı. 28 iyul. REPORT.AZ/ Ermənistanın keçmiş prezidenti Robert Koçaryan həbs olunub.

“Report”  Ermənistan KİV-inə istinadən xəbər verir ki, paytaxt Yerevanın Şenqavit Rayon Məhkəməsi sabiq dövlət başçısı barəsində həbs qətimkan tədbiri seçib.

Ona qarşı 2008-ci il martın 1-dəki hadisələrə dair cinayət işi çərçivəsində ölkənin konstitusion quruluşunu devirməsi ittihamı irəli sürülüb.

Qeyd edək ki, R.Koçaryan 1999-2008-ci illərdə Ermənistan prezidenti olub.