Bakı. 21 oktyabr. REPORT.AZ/ Qırğızıstanın Sulyukta Batken vilayətindəki daş kömür mədənində dəm qazından zəhərlənmə nəticəsində 5 nəfər zəhərlənib, onlardan 3-ü ölüb.
"Report" Qırğızıstan KİV-inə istinadən xəbər verir ki, bu haqda ölkənin Föqəladə Hallar Nazirliyinin mətbuat xidməti məlumat yayıb.
Məlumata görə, həyatını itirən ən gənc şaxtaçı 20 yaşında olub.
Zərərçəkənləri iş yoldaşları təxliyyə edib. Xəsarət alanlar xəstəxanaya yerləşdirilib.
Hadisə ilə bağlı məhkəmə-tibbi ekspertiza təyin olunub.