Qazaxıstanlı parlamentari peyvənd pasportlarının MDB-də qarşılıqlı tanınmasını təklif edib

MDB Parlamentlərarası Assambleyasının (MDB PA) plenar iclasında Qazaxıstan parlamentinin yuxarı palatasının (Senat) sədri Maulen Aşimbayev koronavirus peyvəndi pasportlarının MDB ölkələri arasında qarşılıqlı tanınması məsələsinə baxmağı təklif edib.

“Report” xəbər verir ki, məlumatı TASS agentliyi yayıb.

O, koronavirus peyvəndi pasportları mövzusunun bir çox ölkədə aktiv şəkildə müzakirə edildiyini qeyd edib.

M.Aşimbayevin sözlərinə görə, Qazaxıstan bu aktual mövzuda digər ölkələrlə təcrübə mübadiləsində maraqlıdır.