Qazaxıstanda 118 milyon dollarlıq qanunsuz neft ixracı faktı aşkarlanıb

Bakı. 16 iyul. REPORT.AZ/ Qazaxıstanda 192,7 min ton xam neftin qanunsuz olaraq, ixracı faktı aşkarlanıb.

"Report" Qazaxıstan KİV-inə istinadən xəbər verir ki, bu haqda ölkənin Nəqliyyatı üzrə Baş Prokurorluğu məlumat yayıb.

Prokurorluğun məlumatına görə, 22 milyard 7 milyon tenge ( təxminən 117 milyon 615 min dollar- "Report") dəyərində 192 min 700 ton xam neftin qanunsuz olaraq ixrac edildiyi faktı müəyyənləşdirilib: "Fakt üzrə araşdırma aparılır".

Prokurorluq bildirib ki, bu qanunsuz xarici iqtisadi fəaliyyətin neft istehsalçısı olmayan 13 iştirakçısı müəyyənləşdirilib.