Qazaxıstan prezidenti Qara və Xəzər dənizlərini birləşdirəcək kanalın çəkilməsini təklif edib

Bakı. 14 may. REPORT.AZ/ “Başqa perspektivli layihələrdən biri Qara və Xəzər dənizlərini birləşdirəcək “Avrasiya” kanalının çəkilməsi layihəsi ola bilər”.

“Report” "RİA Novosti”yə istinadən xəbər verir ki, bunu Qazaxıstan prezidenti Nursultan Nazarbayev Avrasiya İqtisadi İttifaqının genişləndirilmiş iclasında çıxışı zamanı deyib.

N.Nazarbayev həmçinin Qazaxıstandan başlayaraq Rusiyadan keçməklə Avropa ilə Asiyanı birləşdirəcək “Avrasiya” yüksək sürətli avtomagistral yolunun çəkilməsini də təklif edib.