Qazaxıstan maye qazın qiymətini iki dəfədən çox qaldırıb

Qazaxıstan maye qazın qiymətini iki dəfədən çox qaldırıb Bu dəyişiklik maye qazın Qazaxıstandan ixracındakı artımla bağlıdır
Region
114
27 İyul , 2016 10:32
Qazaxıstan maye qazın qiymətini iki dəfədən çox qaldırıb

Bakı. 27 iyul. REPORT.AZ/ Qazaxıstan maye qazın qiymətini iki dəfədən çox qaldırıb.

"Report" Qazaxıstan Energetika Nazirliyinin mətbuat xidmətinə istinadən xəbər verir ki, mayeləşdirilmiş neft qazının topdansatış qiymətlərindəki bu dəyişiklik maye qazın adıçəkilən ölkədən ixracındakı artımla bağlıdır.

"Son zamanlar mayeləşdirilmiş neft qazının daxili bazarında heç də birmənalı olmayan vəziyyət formalaşıb. Qazaxıstanın bəzi regionlarında bu yanacaq növü üzrə qıtlıq müşahidə olunur. Müəyyən edilib ki, qonşu ölkələrdə maye qazın qiymətinin daha yüksək olması səbəbilə yanacağın həmin bazarlara axını müşahidə olunur. Belə ki, təchizatçılara daha çox qazanacağı bazarlar sərf edir", - ölkənin Energetika Nazirliyinin məlumatında deyilir.

Məlumatda bildirilir ki, ölkənin mayeləşdirilmiş neft qazı bazarında sabit təchizatı təmin etmək məqsədilə onun topdansatış qiyməti 11033 təngədən (32 ABŞ dolları) 23106 təngəyə (67 ABŞ dolları) qaldırılıb.

Son xəbərlər

Orphus sistemi