Özbəkistanda yoluxma sayında artım müşahidə edilmədi

Özbəkistanda yoluxma sayında artım müşahidə edilmədi Bu gün səhərə olan məlumata görə, Özbəkistanda koronavirusa yoluxanların sayında dəyişiklik olmayıb.
Region
122
20 Aprel , 2020 10:07
Özbəkistanda yoluxma sayında artım müşahidə edilmədi

Bu gün səhərə olan məlumata görə, Özbəkistanda koronavirusa yoluxanların sayında dəyişiklik olmayıb.

“Report” xəbər verir ki, bunu “Özbəkistan 24” telekanalına baş dövlət sanitar inspektoru Nurmat Atabekov bildirib.

Onun sözlərinə görə, ötən sutkada 11,8 koronavirus testi keçirilib.

N.Atabekov ölkədə indiyədək 1 565 nəfərin koronavirusa yoluxduğu, 225 nəfərin koronavirusdan sağaldığı, 5 nəfərin isə virusun qurbanı olduğunu vurğulayıb.

Qeyd edək ki, bazar günü ölkədə 75 yeni yoluxma faktının qeydə alındığı açıqlanmışdı.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 2 407 000-i ötüb. Bunların 625 312 nəfəri sağalıb, 165 083 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Son xəbərlər

Orphus sistemi