Özbəkistanın yeni prezidentinin adı məlum olub

Özbəkistanın yeni prezidentinin adı məlum olub O, səslərin mütləq çoxunu qazanıb
Region
227
5 Dekabr , 2016 15:15
Özbəkistanın yeni prezidentinin adı məlum olub

Bakı. 5 dekabr. REPORT.AZ/ Özbəkistanda keçirilən prezident seçkisində Şövkət Mirziyoyev qalib gəlib.

“Report” Özbəkistan KİV-inə istinadən xəbər verir ki, bunu ölkənin Mərkəzi Seçki Komissiyasının sədri bildirib.

Məlumata görə, Ş.Mirziyoyev 88,61 faiz səs toplayıb. 

Ş.Mirziyoyevin namizədliyi Özbəkistan Liberal-Demokrat Partiyası, parlamentin Aşağı Palatasının vitse-spikeri Sarvar Otamuradovun namizədliyi Milli Dirçəliş Partiyası tərəfindən irəli sürülüb. Ədalət Sosial-Demokrat Partiyasının lideri Nəriman Umarov və Xalq-Demokrat Partiyasının sədri Xatomjon Ketmenov da prezidentliyə namizəd olublar.

Xatırladaq ki, Özbəkistanın birinci Prezidenti İslam Kərimov bu il sentyabrın 2-də 78 yaşında insult nəticəsində vəfat edib. Prezidentin müvəqqəti səlahiyyətlərini ölkənin baş naziri Şövkət Mirziyoyev yerinə yetirir.

İngilis versiyası New Uzbek president named

Son xəbərlər

Orphus sistemi