Nazir: "Müharibədən sonra ukraynalı hərbçilər britaniyalı əsgərlərə təlim keçə bilər"

"Rusiya-Ukrayna müharibəsi bitdikdən sonra ukraynalı hərbçilər britaniyalı əsgərlərə təlim keçə bilər".

“Report” UNIAN-a istinadən xəbər verir ki, bunu Böyük Britaniyanın müdafiə naziri Ben Uolles deyib.

Onun sözlərinə görə, Ukrayna hərbçilərinin Qərb silahlarının köməyi ilə rus tankları və təyyarələrinin “ovlanması” zamanı əldə etdikləri təcrübələr Britaniya Silahlı Qüvvələri üçün faydalı olacaq: “Fikrimcə, bu sahədə Ukrayna təcrübəsindən bizim qüvvələrin təlimində istifadə ediləcək. Rusiya ordusunun zəif tərəflərindən Ukrayna Silahlı Qüvvələrinin istifadə etməsini bilmək britaniyalı hərbçilərə vacibdir”.