NATO və Aİ Gürcüstanla bağlı narahatlıq ifadə edib

NATO və Aİ Gürcüstanla bağlı narahatlıq ifadə edib “Biz Gürcüstandakı hadisələri yaxından izləyirik"
Region
414
23 Fevral , 2021 13:29
NATO və Aİ Gürcüstanla bağlı narahatlıq ifadə edib

“Biz Gürcüstandakı hadisələri yaxından izləyirik. Ölkədə əsas müxalifət partiyası sədrinin həbsi dərin narahatlıq doğurur”.

“Report”un yerli bürosu xəbər verir ki, bu fikirləri Alyansın Baş katibinin Qafqaz və Mərkəzi Asiya üzrə xüsusi nümayəndəsi Ceyms Appaturay feysbuk səhifəsində yazıb.

Onun sözlərinə görə, NATO yaxın tərəfdaşı olan Gürcüstandan cavab verməyə çalışdığı Avroatlantik demokratik standartları saxlayacağını gözləyir: “Bura qütbləşdirici ritorika və hərəkətlərdən çəkinərək fikir ayrılıqlarını dialoq yolu ilə həll etmək daxildir”.

Avropa İttifaqının Gürcüstandakı səfiri Karl Hartzel də ölkədə cərəyan edən proseslərə münasibət bildirib. Gürcüstanda siyasi böhranın dərinləşdiyini qeyd edən diplomatın sözlərinə görə, bütün partiyalar öz üzərlərinə məsuliyyət götürərək ölkə və xalqın maraqlarına uyğun formada hərəkət etməlidirlər.

Son xəbərlər

Orphus sistemi