NATO PA Rusiyaya qonşu ölkələrin təhlükəsizlik zəmanəti haqqında bəyannamə qəbul edib

Bakı. 30 may. REPORT.AZ/ NATO-nun Parlament Assambleyası (PA) alyansa daxil olan və Rusiya ilə qonşu regionlarda yerləşən ölkələrin təhlükəsziliyini təmin etməyə çağıran bəyannamə qəbul edib. 

Bu barədə "Report" TASS-a istinadən xəbər verir.

Sənəd Assambleyanın Albaniyanın paytaxtında keçirilən üçgünlük iclasının nəticələrinə görə yekdilliklə qəbul edilib. İclasda alyansın 28 ölkəsindən və NATO-nun tərəfdaş dövlətlərindən 250 parlamentari iştirak edib. 

Bəyannamədə NATO PA hərbi blok ölkələrini təhlükədə olduğunu hiss edən üzv ölkələrə zəmanət verməyə çağırıb.