Mövlud Çavuşoğlu ukraynalı həmkarı ilə danışıb

Türkiyənin xarici işlər naziri Mövlud Çavuşoğlu ilə ukraynalı həmkarı Dmitro Kuleba arasında telefon danışığı olub.

“Report” “TRT Haber”ə istinadən xəbər verir ki, bu barədə Türkiyə XİN-dən bildirilib.

Baş diplomatların regional məsələləri müzakirə etdikləri qeyd olunub.

Xatırladaq ki, bu gün Çavuşoğlu ilə rusiyalı həmkarı Sergey Lavrovun G-20 ölkələrinin İndoneziyada keçirilən toplantısı çərçivəsində görüşü gözlənilir.