Mövlud Çavuşoğlu: "Türkiyə və Rusiya prezidentləri "Akkuyu" AES-in təməlqoyma mərasimində iştirak edəcəklər"

Mövlud Çavuşoğlu: "Türkiyə və Rusiya prezidentləri "Akkuyu" AES-in təməlqoyma mərasimində iştirak edəcəklər" XİN başçısı: "Türkiyə-Rusiya əlaqələri sürətlə inkişaf edir"
Region
13 Mart , 2018 14:29
Mövlud Çavuşoğlu: Türkiyə və Rusiya prezidentləri Akkuyu AES-in təməlqoyma mərasimində iştirak edəcəklər

Bakı. 13 mart. REPORT.AZ/ Türkiyə və Rusiya prezidentləri Rəcəb Tayyib Ərdoğan və Vladimir Putin "Akkuyu" Atom Elektrik Stansiyasının (AES) təməlqoyma mərasimində iştirak edəcəklər.

"Report" xəbər verir ki, bu barədə Türkiyənin xarici işlər naziri Mövlud Çavuşoğlu Rusiya Xarici İşlər Nazirliyinin Moskva Dövlət Beynəlxalq Münasibətlər İnstitutunun (MQİMO) tələbələri və müəllimləri qarşısında çıxış edərkən bildirib.

"Aprel ayının əvvəlində Türkiyədəki ilk Atom Elektrik Stansiyasının təməlqoyma mərasimi olacaq və iki prezident orada iştirak edəcək", - M.Çavuşoğlu deyib.

Onun sözlərinə görə, təməlqoyma mərasimi aprelin 3-4-də keçiriləcək Ali Əməkdaşlıq Şurası çərçivəsində baş tutacaq.

Nazir söyləyib ki, Türkiyə-Rusiya əlaqələri sürətlə inkişaf edir.

Qeyd edək ki, "Akkuyu" AES Rusiya layihəsi üzrə inşa olunur. Layihəyə əsasən, stansiyada hər biri 4800 MVt gücə malik 4 enerji bloku fəaliyyət göstərəcək. Layihənin dəyəri 20 milyard ABŞ dolları dəyərində qiymətləndirilir.

AES Mersin vilayətində Aralıq dənizi sahillərində inşa ediləcək. İşlərin 2021-ci ildə başa çatacağı planlaşdırılır.

Son xəbərlər

Orphus sistemi