Moskva vilayətində PUA hücumu zamanı 20 nəfər xəsarət alıb, iki nəfər ölüb - YENİLƏNİB-2

Rusiyanın Moskva vilayətində pilotsuz uçuş aparatlarının (PUA) hücumundan sonra 20 nəfər xəsarət alıb.

“Report” xəbər verir ki, bu barədə “Baza” “Telegram” kanalı yazıb.

Bölgə qubernatoru Andrey Vorobyovun sözlərinə görə, Moskva ətrafında PUA hücumu nəticəsində ölənlərin sayı iki nəfərə çatıb. 50 yaşlı kişi xəstəxanada ölüb.

Onun sözlərinə görə, Moskva vilayətindəki üç bələdiyyədə maksimum sayda yaralı və ən böyük ziyan qeydə alınıb.

Leninski şəhər dairəsində dronun qalıqlarının düşməsi nəticəsində altı nəfər, o cümlədən bir uşaq xəsarət alıb. Onların həyatı üçün təhlükə yoxdur.

Pilotsuz uçuş aparatlarının düşməsi nəticəsində ən çox zərərçəkən və dağıntılar Moskva vilayətində üç bələdiyyədə qeydə alınıb.

“Report” Rusiya mətbuatına istinadən xəbər verir ki, bu barədə Moskva vilayətinin qubernatoru Andrey Vorobyov məlumat verib.

Leninski şəhər dairəsində (Vidnoye) PUA qalıqlarının düşməsi nəticəsində 4 yaşlı uşaq da daxil olmaqla altı nəfəri yaralanıb. Zərərçəkənlər yüngül xəsarətlər alıblar, həyatları üçün təhlükə yoxdur. Həmçinin dronlar "Moskoks" və "Santexkomplekt" şirkətlərinin anbarlarının ərazilərinə düşüb, lakin itki yoxdur.

Onun sözlərinə görə, Domodedovoda "Miratorq" şirkətinin Yam kəndindəki istehsalat kompleksinin yaxınlığındakı avtomobil dayanacağında 38 yaşlı mühafizəçi həlak olub, başından yaralanmış daha iki kişi isə xəstəxanaya yerləşdirilib. Onlardan biri reanimasiyadadır. PUA qalıqlarının düşməsindən sonra yanğın başlayıb, nəticədə 20-dən çox avtomobil yanıb. Kotlyakovo kəndində 43 yaşlı qadın xəsarət alıb, onun vəziyyəti ağır qiymətləndirilir.

Ramenski şəhərində beş nəfər stress şikayəti ilə tibbi yardıma müraciət edib. Severnoye şossedəki yaşayış binasında yeddi mənzil zədələnib, Sofyino qəsəbəsində isə fərdi evin damı yanıb. Yanğınsöndürənlər yanğını operativ şəkildə lokallaşdırıblar.

Moskva vilayətinin Vidnoe şəhərində pilotsuz uçuş aparatının (PUA) hücumu nəticəsində dörd yaşlı uşaq da daxil olmaqla altı nəfər xəsarət alıb, onların həyatı üçün təhlükə yoxdur.

“Report” xəbər verir ki, bu barədə Rusiya KİV-i məlumat yayıb.