Mixeil Saakaşvilinin səhhəti yaxşılaşıb

Mixeil Saakaşvilinin səhhəti yaxşılaşıb Gürcüstanın eks-prezidenti Mixeil Saakaşvilinin sağlamlıq durumu yaxşılaşıb.
Region
119
23 Noyabr , 2021 16:24
Mixeil Saakaşvilinin səhhəti yaxşılaşıb
Mixeil Saakaşvili

Gürcüstanın eks-prezidenti Mixeil Saakaşvilinin sağlamlıq durumu yaxşılaşıb.

“Report”un yerli bürosu xəbər verir ki, bu barədə ona baş çəkən həkim qrupunun üzvləri jurnalistlərə məlumat veriblər.

Həkim Nino Şaraşenidze deyib ki, siyasətçi özünü gümrah hiss edir və fiziki cəhətdən gündən-günə daha da yaxşılaşır.

Digər həkim Sandro Tsiskaridze öz növbəsində M.Saakaşvilinin vəziyyəti ilə bağlı ümumi tendensiyanı müsbət qiymətləndirib. Onun sözlərinə görə, sabiq dövlət başçısında bəzi nevroloji pozuntular qalmaqdadır və bunun müalicəsi üçün zaman tələb olunur.

Xatırladaq ki, Gürcüstanın keçmiş prezidenti oktyabrın 1-də Tbilisidə saxlanılıb və Rustavidəki həbsxanaya yerləşdirilib. O, noyabrın 8-də Tbilisidəki Qldani türməsinin xəstəxanasında müalicəyə alınıb. Əlli gün aclıq aksiyası keçirən siyasətçi noyabrın 20-də Qoridəki hərbi hospitala köçürülüb. M.Saakaşvili bundan sonra aclıq aksiyasını dayandırıb.

Son xəbərlər

Orphus sistemi