Gürcüstanın sabiq dövlət başçısı Mixeil Saakaşvili Tbilisi Şəhər Məhkəməsində çıxışı zamanı gürcü xalqına müraciət edib.
“Report”un yerli bürosu xəbər verir ki, o, gürcüləri vətənlərinə görə qürur hissi keçirib-keçirmədikləri və onların inkişaf sürəti üçün darıxıb-darıxmadıqları ilə bağlı sual ünvanlayıb.
O bildirib ki, həbsdən öncə Gürcüstanda bir neçə nəfərlə ünsiyyətdə olub və insanların çox bədbəxt olduğunu görüb.
M.Saakaşvili qeyd edib ki, bu gün ölkədə baş verənlərə birgə son qoyulmalıdır.