MİT əməliyyat keçirib, PKK-nın Ermənistan üzrə nümayəndəsi məhv edilib

Türkiyə Milli İstihbarat Təşkilatı (MİT) Suriyanın Kamışlı bölgəsində antiterror əməliyyatı keçirib.

“Report” xəbər verir ki, məlumatı “Hurriyet” yayıb.

Bildirilib ki, antiterror əməliyyatı nəticəsində terrorçu PKK-nın İnterpol tərəfindən axtarış olan başçılarında biri, Engin Karaaslan zərərsizləşdirilib.

O, 1980-ci illərdə PKK-ya qatılıb. 1990-cı illərdə Suriyanın Dəməşq bölgəsində təlim keçib. 2000-ci illərdə terrorçu PKK-nın Ermənistan üzrə nümayəndəsi olub.