Tbilisi. 14 noyabr. REPORT.AZ/ “Avropa parlamentariləri Salome Zurabişviliyə qarşı aparılan çirkin kampaniyanı rüsvayçı adlandırıblar. Ancaq bizə də xəbərdarlıq etdilər ki, sovet diplomatının Prezident seçilməsi qəbuledilməzdir”.
“Report”un Gürcüstan bürosu xəbər verir ki, bu fikirləri Gürcüstanın Baş naziri Mamuka Baxtadze avroparlamentarilərin bəyanatlarını şərh edərkən deyib.
O, gürcü xalqının tərəqqi və avropalı gələcəyi seçəcəyinə əmin olduğunu bildirib: “Bizə bildirdilər ki, Gürcüstan Avropaya inteqrasiyası baxımından aparıcı ölkə kimi
M.Baxtadze avroparlamentarilərin, Gürcüstanın azarkeşləri və əsl dostlarını ölkədə sovet diplomatının seçilməsinə qarşı olduqlarını deyib: “Əlbəttə ki, mən gürcü xalqına inanıram və əminəm ki, xalqımız sovet diplomatının Prezident seçilməsinə yol verməyəcək. Mixeil Saakaşvili tərəfindən Qriqol Vaşadzenin namizədliyinin irəli sürülməsi Rusiyanın maraqları ilə üst-üstə düşür və buna görə də qısasçıların qələbəsi bizim bir yerdə əldə etdiyimiz və Avropa Parlamenti tərəfindən müsbət qiymətləndirilmiş nailiyyətləri sual altına qoyacaq. Gürcüstanın hər bir vətəndaşı totalitar keçmiş və avropalı gələcək arasında prinsipial seçim etməli olacaq. Mən, əlbəttə ki, gürcü xalqının tərəqqi və avropalı gələcəyi seçəcəyinə əminəm”.