Bakı. 8 fevral. REPORT.AZ/ Ermənistanın xarici borcu ötən il 5 milyard 900 milyon dollar təşkil edib.
“Report” Ermənistan KİV-inə istinadən xəbər verir ki, bunu ölkənin maliyyə naziri Vardan Aramyan bildirib.
Onun sözlərinə görə, 2017-ci ildə xarici borc 6 milyard 250 milyon dollara çatacaq.
İnformasiyay əsasən, ötənilki 5 milyard 900 milyon dollar məbləğində borcun 5,4 milyard dolları hökumətin, 503 milyon dolları isə Ermənistan Mərkəzi Bankının borcudur.