“Rusiya və Ukrayna xarici işlər nazirlərinin növbəti görüşünü müzakirə etməmişik. Lakin Antalyadakı görüşdən sonra bunun istənilən halda faydalı olduğunu bildirdik. Halbuki görüşün təşəbbüskarı Ukrayna olsa da, o, heç bir təşəbbüs irəli sürməmişdi”.
“Report” xəbər verir ki, bunu Rusiyanın xarici işlər naziri Sergey Lavrov Türkiyənin xarici işlər naziri Mövlud Çavuşoğlu ilə danışıqlardan sonra mətbuata açıqlamasında bildirib.
“Ərdoğan və Putinin görüşünə gəlincə, Yüksək Səviyyəli Təhlükəsizlik Şurasının 9-cu iclasına hazırlığını davam etdirəcəyimizə dair razılaşdıq”, - rusiyalı nazir vurğulayıb.