KİV: Gürcüstan MSK-nın sədri istefa verib

Gürcüstanın Mərkəzi Seçki Komissiyasının (MSK) sədri Tamar Jvaniya istefa verib.

“Report”un Gürcüstan bürosu xəbər verir ki, bunu yerli mətbuat yazıb.

MSK yayılan informasiyaları təkzib edib. Bildirilib ki, T.Jvaniya MSK sədri kimi fəaliyyətini davam etdirir.

Qeyd edək ki, ötənilki parlament seçkilərindən sonra müxalifət MSK sədrinin istefasını tələb edib. T.Jvaniya 2013-cü ildən bu vəzifəni tutur.