KİV: Yunanıstanın Sahil Təhlükəsizlik Xidməti tərəfindən Türkiyənin yük gəmisinə atəş açılıb

Bakı. 3 iyul. REPORT.AZ/ Yunanıstanın Sahil Təhlükəsizlik Xidmətinin qayıqları Egey dənizində Türkiyə bayrağı altında üzən yük gəmisinə atəş açıb.

"Report"un TASS-a istinadən verdiyi xəbərə görə, bu barədə bu gün NTV telekanalı xəbər verib.

Məlumata görə, yük gəmisinə 40-dək güllə dəyib. Hadisə yerinə Türk Sahil Təhlükəsizlik Xidmətinin qayığı göndərilib.

Xəsarət alanlar barədə məlumat daxil olmayıb.