KİV: Erməni politoloq ölkəsinin Gürcüstandakı yeni səfiri təyin olunacaq

Bakı. 30 may. REPORT.AZ/ Tezliklə Ermənistanın Gürcüstandakı yeni səfiri təyin olunacaq.

"Report" Ermənistanın "Jamanak" qəzetinə istinadən xəbər verir ki, bu vəzifəyə Qafqaz İnstitutunun direktor müavini, politoloq Sergey Minasyanın təyin olunacağı gözlənilir.

"Seçki sonrası bölüşdürmədən sonra bir neçə namizəd qalıb. Onlar arasında parlamentin keçmiş vitse-spikeri Ermine Naqdalyanın da adı var", - qəzet yazıb.

Qeyd edək ki, hazırda Ermənistanın Gürcüstandakı səfiri Yuri Vardanyandır. O, bu vəzifəni 2014-cü ilin avqust ayından icra edir.