“Joğovurd” qəzeti: 6 erməni hərbçi yaralanıb - FOTO

“Joğovurd” qəzeti: 6 erməni hərbçi yaralanıb - FOTO Onlardan ikisinin vəziyyəti ağırdır
Region
1145
19 Noyabr , 2016 18:12
“Joğovurd” qəzeti: 6 erməni hərbçi yaralanıb - FOTO

Bakı. 19 noyabr. REPORT.AZ/ Bu il noyabrın 15-də Ermənistanın 6 hərbi qulluqçusu hələ ki, açıqlanmayan səbəbdən yaralanıb.

“Report”un xəbərinə görə, bu barədə Emənistanın “Joğovurd” (Xalq) gündəlik qəzeti məlumat yayıb.

Qəzein xəbərinə görə, hərbçilərdən ikisinin vəziyyəti ağırdır.

“Joğovurd” qəzeti Ermənistanın müdafiə naziri Viqen Sarqsyana 2-si ağır olmaqla, 6 hərbi qulluqçunun yaralanması hadisəsinin hansı şəraitdə və harada baş verdiyi barədə sual verib. Lakin müdafiə naziri belə hadisənin baş vermədiyini və belə bir hadisə haqqında ona məruzə edilmədiyini bildirib.

“Joğovurd” qəzeti daha sonra qeyd edir ki, əslində, həmin gün, yəni noyabrın 15-də 2 hərbi qulluqçu ağır bədən travmaları ilə hospitala yerləşdiriliblər. Yerevandakı Hərbi hospitalda Qarabağdan olan Qevorq Seyranoviç Dadasyan və Ermənistanın Kəvər şəhər sakini Roman Araovic Sukiasyan müalicə olunur.

Ermənistan Müdafiə Nazirliyinin İnformasiya və ictimaiyyətlə əlaqələr idarəsinin rəisi Qevorq Altunyan isə bildirib ki, qeyd olunan hərbi qulluqçular müxtəlif vaxtlarda, ayrı-ayrı şəraitdə yaralanıblar. Məlumata görə Qarabağdan olan Qevorq Seyranoviç Dadasyan bir gözünü itirib.

Son xəbərlər

Orphus sistemi