İstanbulda avtobusla mikroavtobus toqquşub, 14 nəfər yaralanıb

Türkiyənin İstanbul şəhərinin Arnavutköy rayonunda sərnişin avtobusu ilə mikroavtobusun toqquşması nəticəsində 14 nəfər yaralanıb.

“Report” xəbər verir ki, məlumatı “CNNTurk” yayıb.

Bildirilib ki, hadisə yerində təhlükəsizlik tədbirləri görülüb və yaralılar hospitala yerləşdirilib.

İlkin məlumata əsasən, qəza avtobusun sürücüsünün qarşı tərəfin yoluna çıxması nəticəsində baş verib.