İrəvan-Gümrü qatarı daşa basılıb

Naməlum şəxslər İrəvan-Gümrü-İrəvan marşrutu ilə hərəkət edən sərnişin qatarını daşa basıblar.

“Report” “Sputnik Armeniya”ya istinadən xəbər verir ki, məlumatı Cənub Qafqaz Dəmir Yolu Şirkəti yayıb.

Hadisə nəticəsində vaqonların şüşələri sınıb.

“Bu qatarların təhlükəsizliyinə və sərnişinlərin sağlamlığına təhdiddir”, - şirkətdən bildirilib.