İranda pandemiya ilə bağlı son vəziyyət açıqlandı

İranda son sutkada koronavirusdan 216 nəfər dünyasını dəyişib.

“Report” “Mehr”ə istinadən xəbər verir ki, bu barədə İranın Səhiyyə və Ailə Rifahı Nazirliyinin sözçüsü Sima Sədət Lari bildirib.

Onun sözlərinə görə, son 24 saat ərzində koronavirusa yoluxanların sayı 2 333 nəfər artaraq 291 172 nəfərə çatıb.

Koronavirusdan ölənlərin ümumi sayı 15 700 nəfərə yüksəlib, 253 213 pasiyent isə sağalıb.