Britaniya XİN diplomatın İranda saxlanılması xəbərini təkzib edib

Böyük Britaniyanın Xarici İşlər Nazirliyi ölkənin İran İslam Respublikasındakı nümayəndəliyinin rəhbər müavininin saxlanılması ilə bağlı məlumata münasibət bildirib.

“Report” xəbər verir ki, nazirlik İranda Britaniya diplomatının saxlanması ilə bağlı yayılan xəbərləri tamamilə yalan adlandırıb.

İranda bir neçə xarici diplomat casusluqda şübhəli bilinərək İslam İnqilabı Keşikçiləri Korpusu (İran Silahlı Qüvvələrinin elit bölmələri - “SEPAH”) tərəfindən saxlanılıb.

“Report” xəbər verir ki, bu barədə “Reuters” agentliyi məlumat yayıb.

Saxlanılan şəxslər arasında Britaniyanın İrandakı diplomatik nümayəndəliyinin rəhbərinin müavini də var.

Diplomatların həbsdə olub-olmaması məlum deyil.