İnstitut: “Kremldəki fikir ayrılıqları Putin hakimiyyətinin sabitlik görüntüsünə xələl gətirir”

Kreml daxilində fikir ayrılıqları ilə bağlı Qərb mətbuatının dərc etdiyi məlumatlar Rusiyada sürətlə yayılaraq Rusiya Prezidenti Vladimir Putin hakimiyyətinin sabitliyi görüntüsünə xələl gətirir.

“Report” xəbər verir ki, bu qənaətə Müharibə Araşdırmaları İnstitutunun (MAİ) analitikləri gəlib.

Təhlilçilər qeyd ediblər ki, V.Putinin yaxın çevrələrində qarşıdurma barədə şayiələr dövlət başçısının 20 ildən artıq hakimiyyətdə olduğu müddətdə təsvir etməyə çalışdığı “güc və nəzarət” təəssüratını sarsıdıb.

“Bəzi rusiyalı bloqçular Çeçenistan rəhbəri Ramzan Kadırov və “Vaqner” özəl hərbi şirkətinin (ÖHŞ) rəhbəri Yevgeni Priqojinin Rusiya ali hərbi komandanlığına ünvanlanan kəskin tənqidindən sonra Kremldə iki fraksiya olduğunu düşünməyə başlayıblar”.

Ekspertlər fikrincə, Kadırov və Priqojin nəyin bahasına olursa olsun müharibəni davam etdirmək və ideoloji məqsədlərinə nail olmaq istəyən fraksiyaya daxildir.

Eyni zamanda onlara müxalif fraksiya öz aktivlərini və iqamətgahlarını saxlamaq üçün Qərblə danışıqlar aparmaq istəyən, lakin Putinlə birbaşa üz-üzə gəlməkdən çox qorxan məmurlardan ibarətdir.

MAİ araşdırmaçıları vurğulayıblar ki, Putinin yaxın çevrəsindəki əsaslı fikir ayrılıqları təqdimatları və onun qərarlarına çağırışlar hətta səssiz də olsa, dövlət başçısını zəif göstərə bilər:

“Bu təqdimatın yalan-doğru olması Putinin müharibədə gələcək dəstək üçün daha çox güvəndiyi auditoriyaya təqdimatından daha az əhəmiyyət kəsb edir”.