İstanbulda təyyarə qəzasında ölü və yaralıların sayı artdı - FOTO - VİDEO - YENİLƏNİB-4

İstanbulda təyyarə qəzasında ölü və yaralıların sayı artdı - FOTO - VİDEO - YENİLƏNİB-4 İstanbulda sərnişin təyyarəsinin qəzaya uğraması nəticəsində 3 nəfər həlak olub.
Region
148
6 Fevral , 2020 03:06
İstanbulda təyyarə qəzasında ölü və yaralıların sayı artdı - FOTO - VİDEO - YENİLƏNİB-4

İstanbulda sərnişin təyyarəsinin qəzaya uğraması nəticəsində 3 nəfər həlak olub.

"Report" xəbər verir ki, bu barədə Türkiyənin səhiyyə nаziri Fəxrəddin Qoca bildirib.

Nazir qeyd edib ki, "Boeing 738" laynerinin Sabiha Gökçen hava limanına enərkən zolaqdan çıxması nəticəsində xəsarət alanların sayı 179 nəfərə çatıb. Hadisə zamanı təyyarədə ümumilikdə 184 nəfər olub. 

Xatırladaq ki, hadisə dünən baş verib. İzmir-İstanbul aviareysini həyata keçirən təyyarə sürüşərək dərəyə aşıb və üç hissəyə parçalanıb. Bundan sonra laynerdə yanğın başlayıb, yanğınsöndürənlər alovu söndürməyə nail olublar. Sərnişinlər təyyarədən təxliyə edilib. 

Qəza səbəbindən Sabiha Gökçen hava limanı bağlanıb, bütün uçuşlar İstanbul hava limanına yönləndirilib. 


***00:03

İstanbulda sərnişin təyyarəsinin qəzaya uğraması nəticəsində 1 nəfər həlak olub. 

Bu barədə "Report" Türkiyənin səhiyyə nаziri Fəxrəddin Qocaya istinadən xəbər verir. Nazir bildirib ki, hadisə zamanı daha 157 nəfər xəsarət alıb. 

Daha əvvəl isə İstanbul şəhərinin qubernatoru Ali Erlikaya xəbər verib ki, "Boeing 738" laynerinin Sabiha Gökçen hava limanına enərkən zolaqdan çıxması nəticəsində xəsarət alanların sayı 139 nəfərə çatıb. O, qeyd edib ki, yaralılar xəstəxanalara yerləşdirilib. 


***22:24.05.02.2020

İstanbulda sərnişin təyyarəsinin qəzaya uğraması nəticəsində xəsarət alanların sayı artıb.

Bu barədə "Report" Türkiyə mətbuatına istinadən xəbər verir.

İstanbul şəhərinin qubernatoru Ali Erlikaya bildirib ki, "Boeing 738" laynerinin Sabiha Gökçen hava limanına enərkən zolaqdan çıxması nəticəsində xəsarət alanların sayı 120 nəfərə çatıb. 

O, qeyd edib ki, hadisə zamanı təyyarədə 177 nəfər - 171 sərnişin və 6 heyət üzvü olub. Hadisə zamanı ölən olmayıb. 


***20:49

İstanbulda sərnişin təyyarəsinin qəzaya uğraması nəticəsində 52 nəfər müxtəlif dərəcəli bədən xəsarəti alıb. 

"Report" Türkiyə KİV-inə istinadən xəbər verir ki, bu barədə İstanbul valisi Ali Yerlikaya məlumat verib.

Yaralılar yaxınlıqdakı xəstəxanalara yerləşdirilib. 


 *** 19:57

Türkiyədə sərnişin təyyarəsi qəzaya uğrayıb. 

"Report" Türkiyə KİV-inə istinadən xəbər verir ki, "Pegasus" aviaşirkətinə məxsus "Boeing 738" layneri Sabiha Gökçen hava limanına enərkən zolaqdan çıxıb. 

Belə ki, İzmir-İstanbul aviareysini həyata keçirən təyyarə sürüşərək dərəyə aşıb və üç hissəyə parçalanıb. Bundan sonra laynerdə yanğın başlayıb, yanğınsöndürənlər alovu söndürməyə nail olublar. Sərnişinlər təyyarədən təxliyə edilib. 

Qəza səbəbindən Sabiha Gökçen hava limanı bağlanıb, bütün uçuşlar İstanbul hava limanına yönləndirilib. 

Türkiyə Nəqliyyat Nazirliyi təyyarədə 171 sərnişin və 6 ekipaj üzvünün olduğunu, heç bir tələfat qeydə alınmadığını açıqlayıb. 

Faktla bağlı araşdırma aparılır.

Son xəbərlər

Orphus sistemi