Bakı. 23 oktyabr. REPORT.AZ/ İstanbulda fərari məhbusun bıçaqla ətrafdakılara hücumu nəticəsində doqquz nəfər yaralanıb.
"Report"un məlumatına görə, bu barədə NTV telekanalı xəbər verib.
KİV-in məlumatına görə, naməlum şəxs qəfildən yoldan ötənlərə bıçaq zərbələri endirməyə başlayıb. Yaralılar xəstəxanaya yerləşdirilib, onlardan biri ağır vəziyyətdədir.
Bildirilir ki, hücum edən şəxs polis tərəfindən saxlanılıb. Hadisənin başvermə şəraiti araşdırılır.