Bakı. 29 dekabr. REPORT.AZ/ İstanbulda 12 saat davam edən irimiqyaslı axtartış-əməliyyat tədbirləri nəticəsində axtarışda olan 903 nəfər tutulub.
“Report” “Hurriyet”ə istinadən xəbər verir ki, əməliyyat zamanı 2 min 617 evdə axtarış aparılıb.
Bildirilib ki, bu əməliyyatda bir ay təlim keçmiş minə yaxın polis əməkdaşı iştirak edib.
Onların aralarında 20 ilədək həbs cəzasına məhkum edilən 2 nəfər, 10 ilədək 17, 5 ilədək 73, 2 ilədək 405, habelə barələrində məhkəmənin qiyabi hökm çıxardığı 406 nəfər də var.
Axtarış-əməliyyat tədbirləri nəticəsində tutulanlar müxtəlif cinayətlərə görə cəzalara məhkum olunublar.